Azem Shkreli

 

 


 

Motive të Vedha

Po ikim nga gjaku im motive të verdha
Po ikim nga gjaku ose një herë tjetër
Po lindim mes bimëve tjera

Aty e tej janë poshat
Shtatgjata të vendlindjes janë delet
Të bardhat dele blegërore dhe bari
I njomë i qumështit po ikim
Nga gjaku im aty e tej janë zogjt
Pupëlvogël zogjt pupëlgjelbër dhe krojet
Të cemtat kroje ujëloti aty e tej
Janë vashat më të egrat vasha
Të bukurisë që falet dhe vetima
Po ikin nga gjaku im motive të verdha
Aty e tej nuk vdesin vetëm sytë
Na ngjethen dhe gishtat na ngjethen e fjalët
Po ikim nga gjaku im më mirë po ikim
Nga gjaku ose një herë tjetër
Një herë tjetër po lindim mes bimëve tjera


1938 - 1997

Jeta dhe Vepra

Hyrje
Lirikat e Dashurisë
Lirikat Atdhetare
Lirikat Refleksive
Poetika

Analiza

Poezi

Dhjatë e Re
Vdekja e Malësorit
Sogje
Liqeni
Nata në Kështjellë
Bregu i Mollës
Dukagjinçe
Këngë Vrugët
Kafsha e Zezë
Motive të Verdha
Psalm për Kosovën
Përshëndetje me Miq